ԵՐԵՎԱՆԻ ՐԱՖՖՈՒ ԱՆՎԱՆ ՀԱՄԱՐ 36 ՀԻՄՆԱԿԱՆ ԴՊՐՈՑ
Ո՛վ բարեկամ, գիտությունը օվկիանոս է անսահման. Աշխարհն արար թեկուզ շրջես՝ ծարավ եղիր դու ուսման: Ֆիրդուսի

Իտալիայի դեսպանատանը Այսօր մեր դպրոցի ութերորդ դասարանցիներին իր ջերմ օրրանում հյուրընկալեց Իտալիայի Հանրապետության արտակարգ և լիազոր դեսպան Ն.Գ. պարոն Վինչենցո Դել Մոնակոն։Նա երեխաներին ներկայացրեց իր առաքելությունը՝ որպես բարեկամության և միմյանց նկատմամբ հոգատարության աղբյուր, պատմեց իր երկրի մասին,պատասխանեց աշակերտների հարցերին։Այցի նպատակն իրագործված էր՝իմանալ Իտալիայի մասին իտալացիներից,զգալ Իտալիայի ազգային կոլորիտը տեղում։

Հայոց լեզվի և գրականության ուսուցչուհի Ս.Ամիրբեկյանը հիանալի ցուցադրական ամփոփիչ դաս վարեց հայոց լեզվից ութերորդ դասարանում։Դասի մեջ մեկտեղվել էին ձայնարկությունը,կապն ու շաղկապը,վերաբերականնները։ Արդիական ու ուսանելի դասը մեծ տպավորություն թողեց ներկաների վրա։

«Համաչափության գրաֆիկական քերթվածքը» Երևանի ծննդյան 2800 ամյակին նվիրված դասերի շարքից Ցուցադրական գործնական դաս մաթեմատիկայից վեցերորդ դասարանում, ուսուցչուհի՝ Ա.Խնձրցյան։ Հայերեն այբուբենի համաչափության գաղափարը դասի կարևորագույն մասն էր,իսկ«Երևանն իմ աչքերով» տնային աշխատանքը վառ ապացույցն էր,որ մեր մայրաքաղաքի շատ գեղեցիկ կառույցներ խիստ համաչափ են։ Լավագույն աշխատանքների հեղինակներ Պավելն ու Անին խրախուսվեցին ուսուցչուհու կողմից։